ਮੈਨੂੰ ਮੋਤੀਆ (cataract) ਬਾਰੇ ਕੀ ਜਾਣਨ ਦੀ ਜ਼ਰੂਰਤ ਹੈ?
ਮਨੁੱਖੀ ਅੱਖ ਕੈਮਰੇ ਦੇ ਸਮਾਨ ਹੁੰਦੀ ਹੈ, ਜੋ ਤਸਵੀਰ ਬਣਾਉਣ ਲਈ ਰੋਸ਼ਨੀ ਫੜਦੀ ਹੈ ਜਿਸ ਨੂੰ ਬਾਅਦ ਵਿੱਚ ਦਿਮਾਗ ਦੁਆਰਾ ‘ਦੇਖਿਆ’ ਜਾਂਦਾ ਹੈ। ਕੈਮਰੇ ਦੀ ਤਰ੍ਹਾਂ, ਅੱਖ ਦੇ ਅੰਦਰ ਲੈਂਸ ਹੁੰਦਾ ਹੈ ਜੋ ਬਾਹਰੀ ਦੁਨੀਆ ਤੋਂ ਰੋਸ਼ਨੀ ਉੱਤੇ ਫੋਕਸ ਕਰਨ ਦਾ ਕੰਮ ਕਰਦਾ ਹੈ। ਜਦੋਂ ਅਸੀਂ ਪੈਦਾ ਹੁੰਦੇ ਹਾਂ, ਇਹ ਲੈਂਸ ਬਿਲਕੁੱਲ ਸਾਫ ਹੁੰਦਾ ਹੈ, ਅਤੇ ਰੋਸ਼ਨੀ ਆਸਾਨੀ ਨਾਲ ਆਉਂਦੀ ਹੈ, ਆਕਾਰ, ਸਾਫ ਤਸਵੀਰ ਬਣਾਉਂਦੀ ਹੈ। ਹਾਲਾਂਕਿ, ਜਿਵੇਂ ਅਸੀਂ ਬੁੱਢੇ ਹੁੰਦੇ ਹਾਂ, ਲੈਂਸ ਕੁਦਰਤੀ ਰੂਪ ਵਿੱਚ ਧੁੰਦਲਾ ਅਤੇ ਦੁੱਧ ਰੰਗੀ ਹੋ ਜਾਂਦਾ ਹੈ। ਇਸ ਦੁੱਧ ਰੰਗੀ ਲੈਂਸ ਨੂੰ ਮੋਤੀਆ ਕਹਿੰਦੇ ਹਨ।
ਸੂਰਜੀ ਰੋਸ਼ਨੀ, ਸ਼ੱਕਰ ਰੋਗ, ਸਿਗਰਟਨੋਸ਼ੀ, ਤੇ ਖਾਸ ਦਵਾਈਆਂ ਇਸ ਪ੍ਰਕਿਰਿਆ ਨੂੰ ਤੇਜ਼ ਕਰ ਸਕਦੇ ਹਨ, ਨਾਲ ਦੇ ਨਾਲ ਸੱਟ ਜਾਂ ਅੱਖ ਦੀ ਸਰਜਰੀ ਵੀ ਕਰ ਸਕਦੀ ਹੈ। ਰੋਸ਼ਨੀ ਦੁੱਧ ਰੰਗੀ ਲੈਂਸ ਵਿੱਚੋਂ ਆਸਾਨੀ ਨਾਲ ਨਹੀਂ ਲੰਘਦੀ, ਅਤੇ ਨਤੀਜੇ ਵਜੋਂ ਦੁਨੀਆ ਧੁੰਦਲੀ ਹਨੇਰੀ ਲਗਦੀ ਹੈ। ਕਈ ਲੋਕਾਂ ਨੂੰ ਲਿਸ਼ਕ ਤੋਂ ਵੀ ਦਿੱਕਤ ਹੁੰਦੀ ਹੈ, ਖਾਸ ਕਰਕੇ ਜਦੋਂ ਰਾਤ ਨੂੰ ਡਰਾਇਵ ਕਰਦੇ ਹੋਵੋ, ਜਾਂ ਉਹ ਰੰਗ ਜੋ ਚਮਕਦਾਰ ਅਤੇ ਸਪਸ਼ਟ ਨਹੀਂ ਹਨ ਜਿਵੇਂ ਉਹ ਪਹਿਲਾਂ ਸਨ। ਕੋਈ ਦਵਾਈਆਂ ਜਾਂ ਬੂੰਦਾਂ ਨਹੀਂ ਹਨ ਜੋ ਮੋਤੀਆ ਦਾ ਇਲਾਜ ਕਰ ਸਕਣ, ਪਰ ਉਹਨਾਂ ਨੂੰ ਛੋਟੀ ਸਰਜਰੀ ਨਾਲ ਸਹੀ ਕੀਤਾ ਜਾ ਸਕਦਾ ਹੈ ਜੋ ਧੂੰਦਲੇ ਲੈਂਸ ਨੂੰ ਹਟਾ ਦਿੰਦੀ ਹੈ ਅਤੇ ਇਸਨੂੰ ਸਾਫ ਨਕਲੀ ਲੈਂਸ ਨਾਲ ਬਦਲ ਦਿੰਦੀ ਹੈ, ਜਿਸ ਨਾਲ ਦਿੱਖ ਰੀਸਟੋਰ ਹੋ ਜਾਂਦੀ ਹੈ। ਬੇਇਲਾਜ, ਮੋਤੀਆ ਨਿਯਮਿਤ ਰੂਪ ਵਿੱਚ ਪ੍ਰਗਤੀ ਕਰੇਗਾ, ਜਿਸ ਨਾਲ ਦਿੱਖ ਬਦ ਤੋਂ ਬਦਤਰ ਹੋ ਜਾਵੇਗੀ। ਮੋਤੀਆ ਬਹੁਤ ਆਮ ਹਨ (ਹਰੇਕ ਨੂੰ ਬਾਅਦ ਵਿੱਚ ਹੋ ਜਾਵੇਗਾ), ਅਤੇ ਕਿਸੇ ਹੋਰ ਕਿਸਮ ਦੇ ਆਪਰੇਸ਼ਨ ਤੋਂ ਵੱਧ ਕੈਨੇਡਾ ਵਿੱਚ ਹਰ ਸਾਲ ਕੈਟਰੈਕਟ ਸਰਜਰੀਆਂ ਕੀਤੀਆਂ ਜਾਂਦੀਆਂ ਹਨ।
ਮੈਨੂੰ ਮੋਤੀਆ ਸਰਜਰੀ ਬਾਰੇ ਕੀ ਜਾਣਨ ਦੀ ਜ਼ਰੂਰਤ ਹੈ?
ਮੋਤੀਆ ਸਰਜਰੀ ਦੁੱਧ ਰੰਗੀ ਲੈਂਸ ਨੂੰ ਹਟਾ ਦਿੰਦੀ ਹੈ ਜੋ ਰੋਸ਼ਨੀ ਨੂੰ ਅੱਖ ਵਿੱਚ ਦਾਖਿਲ ਹੋਣ ਤੋਂ ਰੋਕ ਰਿਹਾ ਸੀ ਅਤੇ ਇਸਨੂੰ ਨਕਲੀ (ਪਲਾਸਟਿਕ) ਲੈਂਸ ਨਾਲ ਬਦਲ ਦਿੰਦੀ ਹੈ ਜੋ ਕਦੇ ਵੀ ਧੁੰਦਲਾ ਜਾਂ ਦੁੱਧ ਰੰਗੀ ਨਹੀਂ ਹੋਵੇਗਾ। ਤੁਹਾਡਾ ਸਰਜਨ ਇਸ ਨਕਲੀ ਲੈਂਸ ਨੂੰ ‘ਇੰਟਰਾਓਕੂਲਰ ਲੈਂਸ’, ਜਾਂ IOL ਕਹਿੰਦੇ ਹਨ। ਤੁਹਾਡਾ ਨੇਤਰ ਵਿਗਿਆਨੀ ਸਰਜਰੀ ਦੀ ਸਿਫਾਰਿਸ਼ ਕਰੇਗਾ ਜਦੋਂ ਮੋਤੀਆ ਐਨਾ ਬਦਤਰ ਹੋਇਆ ਕਿ ਉਹ ਤੁਹਾਡੀ ਜੀਵਨ ਦੀ ਗੁਣਵੱਤਾ ਨੂੰ ਪ੍ਰਭਾਵਿਤ ਕਰੇ। ਮੋਤੀਆ ਸਰਜਰੀ ਆਮ ਤੌਰ ਤੇ 20 ਮਿੰਟ ਲੈਂਦੀ ਹੈ, ਅਤੇ ਇਸਨੂੰ ਬਿਨਾਂ ਆਮ ਐਨਸਥੀਸੀਆ (ਨੀਂਦ ਵਿੱਚ ਭੇਜਣਾ) ਦੇ ਕੀਤਾ ਜਾ ਸਕਦਾ ਹੈ। ਉਸ ਉੱਤੇ ਨਿਰਭਰ ਕਰਦਿਆਂ ਕਿ ਤੁਸੀਂ ਕਿੱਥੇ ਰਹਿੰਦੇ ਹੋ, ਸਰਜਰੀ ਹਸਪਤਾਲ, ਜਾਂ ਸਰਜਰੀ ਕੇਂਦਰ ਵਿੱਚ ਕੀਤੀ ਜਾ ਸਕਦੀ ਹੈ।
